Беларуская альпіністка на Эльбрусе праляцела 400 метраў і выжыла
Яна атрымала траўмы галавы і локцяў, шматлікія ўшыбы.
На расійскім Эльбрусе беларуская альпіністка Аляксандра Гусакоўская сарвалася са скалы. Яна праляцела 400 метраў, атрымала траўмы галавы і локцяў, шматлікія ўшыбы, але засталася жывая, паведамляюць "Вести".
6 траўня Гусакоўская выйшла ў складзе групы з 18 чалавек. Яна ўдзельнічала ў хуткасным забегу на Эльбрус. На вышыні каля 5000 метраў беларуска паслізнулася і сарвалася ўніз.
У выратавальнай аперацыі ўдзельнічалі сем супрацоўнікаў эльбрускага атрада.
У хуткасным узыходжанні на Эльбрус 6 траўня 2015 года ўдзельнічалі больш за 130 альпіністаў з 14 краін свету.
Эльбрус — найвышэйшая кропка Еўропы. Вышыня гары складае 5642 м.
Фота — Страна.Ru
