Беспрацоўная жыхарка Пінска пайшла на пляж з чатырма тысячамі долараў

У Пінскі раённы аддзел міліцыі звярнулася 30-гадовая гараджанка. Жанчына паведаміла, што ў яе скралі 4,5 тысяч долараў ЗША.  Калі следчыя пачалі высвятляць абставіны знікнення грошай, то высветлілася, што долары скраў знаёмы пацярпелай, з якім яна адпачывала на беразе возера пад Пінскам. Грошы знаходзіліся ў кішэні джынсаў маладзіцы. І калі пад уражаннем палескай прыроды яна згубіла пільнасць, яе таварыш сцягнуў купюры. Пінскія міліцыянты злавілі нахабніка, і цяпер яго чакае суд.

Цікава, што пацярпелая пінчанка афіцыйна нідзе не працавала.