Чэхі сталі чэмпіёнамі свету па хакеі
Для чэшскіх хакеістаў гэта 13-я перамога / apnews.com
Чэхі сталі чэмпіёнамі свету па хакеі. У фінале гаспадары турніру абыгралі швейцарцаў — 2:0 (0:0, 0:0, 2:0). Бронза — у шведаў, якія выйгралі ў канадцаў — 4:2 (1:0, 0:1, 3:1).
Для чэшскіх хакеістаў гэта 13-я перамога (з іх 6 — зборнай Чэхаславакіі) на сусветным першыстве і першая за апошнія 14 гадоў. Зборная Швейцарыі заваявала срэбра чацвёрты раз.
Чэмпіянат свету па хакеі 2024 года ў Чэхіі стаў самым наведвальным у гісторыі. На матчах пабывалі амаль 800 тысяч заўзятараў.
Зборная Беларусі (як і Расіі) з 2022 года знаходзіцца пад санкцыямі і адхілена ад удзелу ў міжнародных спаборніцтвах.
