Чэмпіёна Гомеля па шахматах абвінавацілі ў паклёпе на Лукашэнку

Былы чэмпіён Гомеля па шахматах Валер Яроцкі стаў фігурантам крымінальнай справы. Яго абвінавацілі ў паклёпе (арт. 188 КК РБ) і паклёпе ў дачыненні да прэзідэнта (ч. 2 арт. 367 КК РБ). Пра гэта стала вядома гомельскім праваабаронцам. Пры гэтым раней, адзначаюць яны, імя Яроцкага не сыходзіла са старонак дзяржаўных газет.

Ужо адбыўся суд. Ён накіраваў Яроцкага на прымусовае лячэнне ў псіхіятрычную лякарню. Акрамя таго, яго ўнеслі ў так званы "экстрэмісцкі" спіс. Паводле звестак гомельскіх праваабаронцаў, у гэтым спісе знаходзяцца ўжо 492 жыхары вобласці (усяго — 3 146 чалавек).