Ці знізяцца кошты ў рэстаранах і ці стане рэстаратарам працаваць прасцей?
У пятніцу, 24 лістапада апублікаваны тэкст дэкрэта № 7 “Аб развіцці прадпрымальніцтва”. Прэс-служба кіраўніка дзяржавы ў каментары да дэкрэта адзначае, што гэты “ключавы дакумент” палепшыць бізнес-клімат у нашай краіне, кардынальна зменіць механізмы ўзаемадзеяння органаў дзяржкіравання і бізнесу. Дзякуючы дэкрэту, кантроль за дзейнасцю бізнесменаў мусіць звесціся да мінімуму.
Фактычна Дэкрэт адмяняе абмежаванні на кошты крэпкіх напояў у рэстарацыях, знішчае каля 150 пажарных норм і каля 100 санітарна-эпідэміялагічных абмежаванняў. Але наколькі гэта можа паўплываць на прывабнасць рэстарацый і бараў для звычайных беларусаў мы даведаліся ад Надзеі Нянашавай, якая ўжо 25 гадоў кіруе барам “Валерыя” ў самым цэнтры Мінска.
