Для ўсіх, хто прыязджае ў Ізраіль, уводзяць двухтыднёвы каранцін
З-за распаўсюду ў свеце кітайскага каранавіруса для ўсіх, хто прыязджае ў Ізраіль, уводзяць двухтыднёвы каранцін. Пра гэта ў Twitter напісаў выканаўца абавязкаў прэм'ер-міністра гэтай краіны Біньямін Нетаньяху. У панядзелак ён правёў працяглую нараду з прадстаўнікамі міністэрства аховы здароўя.
"Гэта было складанае рашэнне, але яно неабходна для аховы грамадскага здароўя, а гэтая задача — перадусім", — піша Нетаньяху.
Чакаецца, што новаўвядзенне пачне дзейнічаць у бліжэйшы чацвер. За парушэнне каранціну ў Ізраілі прадугледжана крымінальная адказнасць і ўжо некалькі такіх выпадкаў расследуюцца. Агулам двухтыднёвы каранцін у Ізраіле адбываюць больш за 25 тысяч чалавек. Афіцыйна пацверджаны 42 выпадкі заражэння каранавіруснай інфекцыяй.
אחרי יממה של דיונים מורכבים קיבלנו החלטה: כל מי שיגיע לישראל מחו"ל ייכנס לבידוד של 14 יום.
— Benjamin Netanyahu (@netanyahu) March 9, 2020
זו החלטה קשה, אבל היא חיונית כדי לשמור על בריאות הציבור - ובריאות הציבור קודמת לפני הכל.
ההחלטה הזאת תהיה בתוקף לשבועיים, במקביל אנחנו מקבלים החלטות כדי לשמור על כלכלת ישראל. pic.twitter.com/5qYFRW3AaC
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
