Доўгажыхарка з Палесся расказала дзяржаўнаму выданню пра голад у БССР
Надзея Кудзіна / sb.by
Дзяржаўнае выданне вырашыла паразмаўляць з доўгажыхаркай з Лельчыцаў (Гомельская вобласць) пра яе жыццё, пацікавіцца яе меркаваннем пра Украіну. Але нешта пайшло не так. 95-гадовая Надзея Кудзіна эмацыйна расказала, як жыла ў савецкай Беларусі.
"Я памятаю голад у 1933 годзе, — кажа Кудзіна пра жыццё ў вёсцы ў Лельчыцкім раёне. — Хлеба давалі так мала, што часам я падала, сіл не было. Дзяцінства наша — пекла... Голад памятаеш усё жыццё".
Тэма галадамора савецкіх часоў у Беларусі (у адрозненне ад Украіны) не афішуецца, паколькі ў прыярытэце генацыд, які вывучае асабіста генпракурор. Таму гэта рэдкая падобная публікацыя ў дзяржаўным выданні.
