Двух беларусаў затрымалі з дронам каля літоўскай мяжы
Той самы дрон, які знайшлі памежнікі / t.me/gpkgovby
Беларускія памежнікі затрымалі двух мужчын у Воранаўскім раёне за тое, што тыя хацелі запусціць дрон каля літоўскай мяжы. Нібыта план быў у запуску беспілотніка ўвогуле праз мяжу.
Мужчынам пагражае адміністрацыйная адказнасць. Гэта трэці раз за жнівень, калі памежнікі затрымліваюць аператараў беспілотнікаў на мяжы з Літвой.
Пагранкамітэт нагадвае, што выкарыстощваць і (або) нават мець беспілотнік у пагранічнай паласе без апавяшчэння пагранслужбы забаронена. Таксама нельга пакідаць беспілотнікі па-за межамі населеных пунктаў у памежнай зоне.
Штраф за невыкананне правілаў выкарыстання ў пагранпаласе — да 50 базавых велічынь, у пагранічнай зоне — да 20.
Нярэдка памежнікі еўрапейскіх краін паведамляюць, што разам з дронамі з Беларусі спрабуюць дастаўляць кантрабанду. Але гэтым разам беларускі ДПК не паведамляе пра “груз” беспілотніка.
