Дзе патусіць на выхадных 20-22 снежня, раіць Мікалай Хадасевіч
Спартовы аглядальнік і каментатар складае кінематаграфічную афішу на бліжэйшы week end.
Мікалай Хадасевіч прызнаецца, што апошнім часам даволі рэдка ходзіць куды-небудзь. Маўляў, не той ужо ўзрост, каб па клубах ды тусоўках швэндацца, хіба толькі ў кіно. Але, калі будзе стаяць выбар, правесці вечар дома ці на нейкім мерапрыемстве, дзе гучна і людна, то журналіст абярэ першы варыянт.
На выходныя 20-22 снежня не запланавана ніякіх спартовых мерапрыемстваў, што вельмі засмучае Мікалая. “Наведаць, напрыклад, утульную, цёплую і класную “Мінск-Арэну” не атрымаецца. Бо ні хакейнае “Дынама”, ні баскетбольныя “Цмокі-Мінск” там гуляць не будуць”, — бядуе каментатар. І прапануе сваю альтэрнатыву спартоваму week end.
|
Раіць схадзіць |
Не раіць |
||
|
Кіно |
"12 гадоў рабства" |
20-22 снежня: Аўрора: 17:50, 20:40 Беларусь: 15:00, 21:10 Бярэсце: 18:15, 21:00 Камсамолец: 12:30, 18:00 Мір: 21:10 |
|
|
“Хобіт. Пустэча Смаўга” |
20 снежня, пятніца: Аўрора: 16:30, 20:00 Беларусь: 12:20, 17:50, 20:20 Беларусь (3D): 14:00, 17:20, 20:40 Бярэсце: 17:10, 20:30 Дом Кіно: 17:40, 21:00 Кіеў: 14:10, 17:30, 20:50 Камсамолец: 15:00, 20:30 Мір: 13:10, 17:00, 20:20 Кастрычнік: 15:20, 20:50 Піянер: 17:00, 20:00 Ракета: 18:00, 21:00 Салют: 17:40, 20:50 Цэнтральны: 14:30, 17:30, 20:30 21 снежня, субота: Аўрора: 16:30, 20:00 Беларусь: 11:40, 12:20, 17:50, 20:20 Беларусь (3D): 14:00, 17:20, 20:40 Бярэсце: 10:30, 13:50, 17:10, 20:30 Дом Кіно: 16:40, 20:00 Кіеў: 10:30, 15:50, 20:50 Камсамолец: 15:00, 20:30 Мір: 13:10, 17:00, 20:20 Кастрычнік: 10:10, 15:20, 20:50 Піянер: 14:00, 17:00, 20:00 Ракета: 18:00, 21:00 Салют: 14:30, 17:40, 20:50 Цэнтральны: 14:30, 17:30, 20:30
22 снежня, нядзеля: Аўрора: 16:30, 20:00 Беларусь: 11:40, 12:20, 17:50 Беларусь (3D): 14:00, 17:20, 20:20, 20:40 Бярэсце: 10:30, 13:50, 17:10, 20:30 Дом Кіно: 17:40, 21:00 Кіеў: 14:10, 17:30, 20:50 Камсамолец: 15:00, 20:30 Мір: 13:10, 17:00, 20:20 Кастрычнік: 10:10, 15:20, 20:50 Піянер: 14:00, 17:00, 20:00 Ракета: 18:00, 21:00 Салют: 14:30, 17:40, 20:50 Цэнтральны: 14:30, 17:30, 20:30 |
||
|
Канцэрты |
Любы блюз ці джаз, які знойдзеце! |
||
|
Тэатры |
"Амерыканская камедыя" |
21 снежня, субота: Сучасны мастацкі тэатр (вул. Кастрычніцкая, 5) Пэрм'ера! Пачатак: 19:00 Даведкі: (17)2271810, (29)6773639 |
|
|
Выставы |
“20 жанчын”
|
Мастацкая галерэя "Універсітэт культуры" (Кастрычніцкая пл., 1 (Палац Рэспублікі)) Фотапраект Вольгі Бубіч Працуе: 11:00-19:00 Нядзеля - выхадны!!! Уваход вольны! Даведкі: (017) 3272612 |
|
|
"Іншы Мінск"
|
Арт-галерэя "Італьянскі свет" (вул. Янкі Купалы, 23) Мінск вачамі беларускіх ды італьянскіх мастакоў Працуе: 11:00-18:00 Нядзеля - выхадны!!! Уваход вольны! Даведкі: (017)3273170 |
||
“Таму, я думаю, у пятніцу можна схадзіць у кіно, — знаходзіць выхад Мікалай Хадасевіч. — Акурат пачынаецца прэм’ерны паказ другой часткі прыгодаў Хобіта “Хобіт. Пустэча Смаўга”. Ці, калі вы не глядзелі фільм “12 гадоў рабства”, то таксама раю. Я яго днямі паглядзеў, і магу сказаць, што дастаткова ўдалае кіно, можна нармальна пабавіць час. Хоць там і даволі вялікі адсотак гвалту на дзве гадзіны”.
Ніякіх вартых увагі канцэртаў спартовы аглядальнік не знаходзіць. Маўляў, у клубах цяпер усё звязана з Новым годам, а гэта звычайна стандартныя карпаратыўныя “пляскі з мядзведзямі”, што не цікава. Калі ёсць такая патрэба, то лепш знайсці які блюзавы ці джазавы канцэрт і схадзіць туды.
“Прапаную праехацца па двух выставах, — пераходзіць да планаў на суботу спартовы каментатар. — Калі ёсць аматары фота, то даволі цікавы праект пад назвай “20 жанчын” выстаўлены ва Ўніверсітэце культуры. Яго сутнасць у тым, што мастачка Вольга Бубіч ездзіла па краінах і назбірала калекцыю фотакартак розных жанчын з розных краін. Думаю, гэта цікава, таму можна туды зазірнуць”.
Адтуль Мікалай прапануе пераехаць у арт-галерэю “Італьянскі свет” паглядзець выставу “Іншы Мінск”. Гэта погляд на нашу сталіцу вачамі беларускіх і італьянскіх мастакоў, што само па сабе даволі цікава.
Скончыць суботні вечар журналіст прапануе ў тэатры, калі, натуральна, яшчэ ёсць магчымасць набыць квіткі. У “Сучасным мастацкім тэатры” адбудзецца прэм’ера “Амерыканскай камедыі” — гэта вядомая брадвейская пастаноўка.
“Улічваючы, што спартовых падзей няма, — усміхаецца Мікалай. — У нядзелю можна схадзіць туды, куды не паспелі ў іншыя дні. Тым больш, некаторыя з пералічаных мерапрыемстваў на наступным тыдні ўжо не будуць праходзіць. Выдатных вам выхадных!”
Фота: goals.by ды са старонкі Мікалая ў Face Book
