Джарэд Лета адправіўся аўтаспынам па Амерыцы
Лідара 30 Seconds To Mars і вядомага акцёра Джарэда Лета цяпер можна сустрэць ў любым месцы ЗША. Цягам тыдня музыка ездзіць аўтаспынам па краіне і такім чынам рэкламуе новы альбом свайго гурта 30 Seconds To Mars, які называецца "Аmerica".
Згодна з прэс-рэлізам, Джарэд перасоўваецца ўсімі спосабамі — ад ровараў да самалётаў і гоначных аўто. Мэта Лета — паказаць слухачу, што для яго важны кожны куток сваёй краіны, мэта альбома — праслаўленне Амерыкі.
Дарэчы, Джарэд выправіўся ў вандроўку літаральна з перадачы "The Tonight Show", куды ён завітаў у дарожнай вопратцы з заплечнікам за спінай.
У альбом "Аmerica", які выйшаў 6 красавіка, увайшло 12 трэкаў. Папярэдняя пласнінка 30 Seconds To Mars, "Love, Lust, Faith and Dreams", убачыла святло 5 гадоў таму.
Цікава, што Джарэд Лета паабяцаў фанатам гурта пагаліць бараду, калі альбом “America” ўзначаліць чарты. Мяркуем, што пасля перфомансу з аўтаспынам чакаць узлёту доўга не давядзецца.
