Дзмітрый Фурманаў з'ехаў з Беларусі, цяпер ён у Вільні
Былы палітвязень Дзмітрый Фурманаў пакінуў Беларусь. Першы час ён знаходзіўся ва Украіне, а 30 кастрычніка яго сустрэлі ў Вільні.
Сярод тых, хто чакаў Фурманава ў Літве — ягоная дзяўчына.
Дзмітрый Фурманаў — гарадзенец, сябра ініцыятыўнай групы Святланы Ціханоўскай. Яго затрымалі 29 траўня 2020 году на пікеце Ціханоўскай у Гродна, дзе ён збіраў подпісы. Калі на Савецкай плошчы пачалася тузаніна і міліцыянер апынуўся на зямлі, затрымалі Сяргея Ціханоўскага і ягоных паплечнікаў. У гэты момант невядомыя схапілі Фурманава з-за стала разам з крэслам на вачах у бацькоў, выцялі мужчыну па твары і завезлі ў міліцыю.
