Экс-палітзняволеную Наталлю Хершэ прынялі ў швейцарскім парламенце
У парламенце Швейцарыі прынялі былую беларускую палітзняволеную Наталлю Хершэ.
Старшыня Нацыянальнай рады Ірэн Калін пасля сустрэчы напісала ў сацсетках: "Вы адстойвалі свае каштоўнасці. Каштоўнасці, якія таксама нашыя. Дзякуй, што паказалі нам, што такое мужнасць!"
Наталля Хершэ была асуджаная за тое, што на акцыі пратэсту сарвала з сілавіка балаклаву. Яна правяла ў зняволенні 17 месяцаў, але не напісала прашэння аб памілаванні.
Падчас зняволення яна адмовілася шыць форму для сілавікоў, за што правяла ў штрафным ізалятары амаль два месяцы. За кратамі Хершэ неаднаразова абвяшчала галадоўку, патрабуючы выканання сваіх правоў.
Яе вызвалілі 18 лютага.
«Sie sind für Ihre Werte eingestanden. Werte, die auch unsere sind. Danke, dass Sie uns gezeigt haben, was Mut ist! » #NRP @Kaelinirene empfängt Natallia Hersche, die nach 17 Monaten politischer Haft in Belarus endlich wieder in der Schweiz ist. pic.twitter.com/qqFlPGuiwu
— Parl CH (@ParlCH) March 8, 2022
