Эстонія паскорыць уладкаванне мяжы з РФ з-за "гібрыднай атакі" Беларусі
Зараз Эстонія рэалізуе першы, 23-кіламетровы этап будаўніцтва / Vabariigi Valitsus
Урад Эстоніі вывучыць магчымасць пабудаваць мяжу з Расіяй раней за 2026 год, паведамляе "Интерфакс - Запад".
Па словах прэм'ер-міністра Эстоніі Каі Калас, паскорыць будаўніцтва неабходна, паколькі ў сувязі з "гібрыднай атакай" Беларусі абвастрылася праблема нелегальнай міграцыі.
Зараз Эстонія рэалізуе першы, 23-кіламетровы этап будаўніцтва. Ён павінен завяршыцца ў 2023 годзе.
Працягласць эстонска-расійскай мяжы складае 338 км. Памежную інфраструктуру неабходна абсталяваць на ўчастку працягласцю 115 км.
Эстонія і Расія ў цяперашні час не маюць юрыдычна аформленай мяжы.
