Гігін: У Беларусі трэба ўводзіць агульныя правілы карыстання сацсеткамі
7 жніўня на сайце БЕЛТА прайшла анлайн-канферэнцыя, прысвечаная сацыяльным сеткам.
Галоўны рэдактар часопіса "Беларуская думка" Вадзім Гігін выказаў меркаванне, што "прыйшоў такі час", калі "трэба ўводзіць нейкія правілы карыстання [сацсеткамі]".
"Я не гавару, што ў дадзеным выпадку трэба пераглядаць наш закон аб СМІ і іншыя заканадаўчыя акты, якія рэгулююць распаўсюд інфармацыі, але трэба ўвесці адказнасць за інфармацыю, якая размешчаная ў сацыяльных сетках", — цытуе словы Гігіна БЕЛТА.
Галоўны рэдактар "Беларускай думкі" падкрэсліў, што сацыяльныя сеткі алічбавалі і вынеслі ў інтэрнэт тое, што раней людзі пісалі на плоце.
На здымку БЕЛТА Вадзім Гігін крайні справа.
