Хакеісты мінскага "Дынама" ўсухую перамаглі аднаклубнікаў з Масквы

Выязную серыю чэмпіянату КХЛ мінскае "Дынама" пачала з перамогі над аднаклубнікамі з Масквы. “Зубры” закінулі ў браму суперніка тры безадказныя шайбы, паведамляе БЕЛТА.

У першы перыяд матчу мінчане актыўна дзейнічалі у зоне суперніка і ўжо на дзявятай хвіліне атрымалі перавагу, якую рэалізаваў Нік Бэйлен. Мінчане сапсавалі толькі канцоўку перыяду, калі выдаленне за небяспечны прыём да канца гульні атрымаў Мікіта Камароў.

Пасля адпачынку гасцям давялося абараняцца ў меншасці. Гаспадары пляцоўкі шмат кідалі па браме беларускай каманды, але перайграць Бэна Скрывенса ў гэты складаны адрэзак сустрэчы не змаглі.

У заключныя дваццаць хвілін гульні дынамаўцы Масквы працягнулі штурм брамы суперніка. У адным з эпізодаў на зыходзе часу сустрэчы абаронцы гаспадароў памыліліся пры перадачы шайбы. Форвард мінчан Андрэй Сцяпанаў выйшаў адзін на адзін з Аляксандрам Лазушыным і адправіў шайбу паміж шчыткоў брамніка.

Канчатковы лік у сустрэчы кідком з вострага вугла пад перакладзіну усталяваў Аляксандр Мацярухін.

Выязную серыю матчаў дынамаўцы Мінска працягнуць ў Казані, дзе 26 верасня згуляюць з мясцовым "Ак Барсам".