Хакеісты моладзевай зборнай Беларусі прайгралі датчанам — 4:5
Моладзевая зборная Беларусі па хакеі (U-20) 2 студзеня прайграла камандзе Даніі — 4:5 (0:2, 2:0, 2:3).
Каманда Юрыя Файкова была блізкай да перамогі, але за апошнія паўхвіліны гульні прапусціла дзве шайбы, што і вырашыла вынік матчу.
Беларусь і Данія змагаюцца за права застацца ў топ-дывізіёне чэмпіянату свету. Іх сустрэчы працягнуцца да дзвюх перамог адной з камандаў. Наступная гульня адбудзецца 4 студзеня. Калі ўзнікне неабходнасць у трэцім матчы, ён пройдзе 5 студзеня.