Канюк: Колькасць злачынстваў у Беларусі знізілася ўдвая

Колькасць злачынстваў, здзейсненых у Беларусі, знізілася ўдвая. У параўнанні з 2007 годам, калі іх зарэгістравалі 180 тысяч. Летась было 93 тысячы. Забойстваў стала менш на 45%, крадзяжоў — на 65%, на чвэрць менш стала цяжкіх і асабліва цяжкіх злачынстваў. Пра гэта ў інтэрв’ю газеце “СБ. Беларусь сегодня” паведаміў генеральны пракурор Аляксандр Канюк. Паводле яго слоў, у параўнанні з 2015 годам, у 2016-м колькасць злачынстваў знізілася на 4,2%.

Такая тэндэнцыя зафіксаваная ва ўсіх рэгіёнах нашай краіны. Канюк лічыць, што гэта вынік працы ўсіх праваахоўных органаў.