Над Гомельшчынай заўважылі беспілотнік, пасля чаго над Добрушам прагучаў выбух
Дрон, ілюстрацыйнае фота / mil.in.ua
Зранку 6 ліпеня каля 6:45 жыхары Добрушскага раёну заўважылі палёт беспілотніка над тэрыторыяй Гомельскай вобласці.
Як расказалі відавочцы, перадае "Гомельская Вясна", у небе заўважылі чорны лятаючы аб'ект з трохкутным сілуэтам. Пры гэтым палёт суправаджаўся характэрным гукам рухавіка, падобным да гуку мапеда. З такім гукам звычайна ляціць расійска-іранскі ўдарны беспілотнік тыпу "Шахед" ("Гербера"). Назіральнікі адзначылі, што ён даволі глыбока заляцеў у паветраную прастору Беларусі.
А каля 12:55 жыхары Добруша, як перадае "Флагшток", чулі гук выбуху. Прычыны здарэння пакуль невядомыя.
