Камандзір 19-га корпуса: Канстанцінаўка застаецца пад кантролем УСУ

Украінскія вайскоўцы працягваюць абараняць Канстанцінаўку, а заявы расійскага боку пра поўную акупацыю горада не адпавядаюць рэчаіснасці, піша hromadske са спасылкай на камандзіра 19-га армейскага корпуса Аляксандра Бакуліна.

Надоечы Дзмітрый Пяскоў заявіў пра пераход Канстанцінаўкі пад поўны кантроль расіян. У Генштабе УСУ гэта абвяргаюць. У каментарыі hromadske Бакулін пацвярджае, што расіяне знаходзяцца ў горадзе, але не кантралююць яго цалкам. 

"Яны вельмі любяць так заяўляць. Праціўнік у Канстанцінаўцы ёсць. Мы ім кіруем, але гэта асобныя кропкі, дзе ёсць па аднаму-двум вайскоўцам, якіх мы па меры выяўлення знішчаем", — сказаў Бакулін. 

Па яго ацэнках, цяпер у Канстанцінаўцы знаходзяцца каля 129 расійскіх пехацінцаў (плюс-мінус 20 чалавек). Ён кажа, што расіяне працягваюць пранікаць у горад невялікімі групамі. Але ўкраінскім сілам удаецца ліквідаваць частку з іх, хоць цалкам спыніць іх прасоўванне пакуль не выпадае. Праз гэта перамяшчэнне ўкраінскіх вайскоўцаў па горадзе ўскладняецца.