Колькасць ахвяраў выбуху ў Парыжы ўзрасла да чатырох
Колькасць ахвяраў выбуху ў Парыжы ўзрасла да чатырох. Як паведамляе AFP са спасылкай на пракуратуру Парыжа, пад заваламі знойдзенае цела яшчэ аднаго чалавека. Адна з жыхарак дома, дзе адбылося здарэнне, па-ранейшаму лічыцца зніклай без вестак.
Раней стала вядома, што ў выніку выбуху ў пякарні на вуліцы Трэвіз загінулі двое пажарных і іспанская турыстка. 47 чалавек пацярпелі, 10 з іх знаходзяцца ў цяжкім стане.
Здарэнне адбылося раніцай у суботу: спачатку ў памяшканні пякарні адбылася ўцечка газу, а затым узгаранне, якое і справакавала выбух. Увесь першы паверх будынка зруйнаваны, у суседніх будынках выбіла вокны.
