Лукашэнка памірае — каму дастанецца ўлада? Тлумачым, як павінна быць па законе | Навіны Беларусі

Лукашэнка выглядаў не надта бадзёрым на парадзе 9 траўня ў Маскве, потым экстранна вярнуўся ў Мінск, а ўвечары нават адмовіўся агучваць прамову. Акрамя таго, шмат пытанняў выклікаў бінт на яго руцэ, сфатаграфаваны расійскімі карэспандэнтамі. Гэта ўсё выклікала бурныя абмеркаванні сярод беларусаў, у тым ліку цалкам слушнае (хоць пакуль і досыць фантастычнае) пытанне: а каму дастанецца ўлада, калі Лукашэнка памрэ?

Адказу на яго ні ў кога няма, але ў заканадаўстве прапісаны дакладны парадак "перадачы стальца". Расказваем, як усё павінна быць хаця б паводле закона.

Дык хто ж бярэ ўладу

Калі ўявіць, што Беларусь — прававая дзяржава (памарым), то ўсе асноўныя працэдуры, звязаныя з уладкаваннем улады і краіны, прапісаныя ў Канстытуцыі.

У дзейнай рэдакцыі Канстытуцыі (той, якую памянялі пасля рэферэндуму 2022 года) на пытанне "што будзе, калі Лукашэнка памрэ" адказвае 88-ы артыкул:

"У выпадку вакансіі пасады прэзідэнта або немагчымасці выканання ім сваіх абавязкаў на падставах, прадугледжаных Канстытуцыяй, яго паўнамоцтвы да прынясення прысягі зноў абраным прэзідэнтам пераходзяць да старшыні Савета Рэспублікі", — напісана ў асноўным законе.

Калі першай асобы не стане праз замах на жыццё, то ўсё зробіцца крыху складанейшым: асноўныя рашэнні прымае Савет Бяспекі, на якім старшынюе ўсё той жа спікер Савета Рэспублікі.

Цікава: у папярэдняй рэдакцыі Канстытуцыі паўнамоцтвы прэзідэнта пераходзілі да прэм'ер-міністра.

І прыз сыходзіць... да водаправодчыкаў

А хто ў нас цяпер старшыня Савета Рэспублікі? Наталля Качанава, паводле адукацыі — інжынер, якая пачынала працу на "водаканале" ў Полацку, а пасля займала пасады віцэ-прэм'ера і кіраўніцы Адміністрацыі Лукашэнкі.

Что будет, когда Лукашенко умрёт? Объясняем, как должно быть по закону

Качанава — леваруч ад Лукашэнкі / БелТА/Reuters

Калі ўсё адбудзецца строга ў адпаведнасці з Канстытуцыяй, то выконваць абавязкі кіраўніка дзяржавы павінна будзе менавіта Качанава — вядома, калі на той момант яна яшчэ будзе заставацца спікерам Савета Рэспублікі.

Прэзідэнт — Качанава, а што далей?

Раз мы ўжо фантазіруем, што ў Беларусі выконваецца Канстытуцыя, Лукашэнкі раптам не стала і яго пасаду заняла Наталля Качанава, то ўзнікае пытанне: а што далей, колькі яна будзе кіраваць?