МАК дазволіць паўдзельнічаць у Алімпіядзе асобным расійскім легкаатлетам
Міжнародны алімпійскі камітэт (МАК) не стаў адхіляць зборную Расіі ад удзелу ў летняй Алімпіядзе ў Рыа-дэ-Жанейра. Камандзе пагражала дыскваліфікацыя з-за прынянення допінгу.
Пры гэтым МАК цалкам падтрымаў рашэнне Міжнароднай асацыяцыі лёгкаатлетычных федэрацыі (ІААФ), якая адхіліла ад міжнародных спаборніцтваў расійскую зборную па лёгкай атлетыцы. Але ж дапушчаецца магчымасць удзелу ў Гульнях спартсменаў, з якіх ІААФ здыме дыскваліфікацыю ў індывідуальным парадку.
Падобная сітуацыя ўзнікла і са зборнай Кеніі. Цяпер кожны расійскі і кенійскі атлет, які хоча атрымаць пуцёўку ў Рыа, павінен атрымаць асобны дазвол ад міжнароднай федэрацыі, перадаюць замежныя СМІ.
Расійская зборная па лёгкай атлетыцы была адхіленая ад міжнародных спаборніцтваў пад эгідай ІААФ у лістападзе 2015 года. 17 чэрвеня дыскваліфікацыю працягнулі. Падставай для такіх станцыяў сталі вынікі расследавання Сусветнага антыдопінгавага агенцтва (ВАДА), якое прыйшло да высновы, што расійскія атлеты актыўна прымаюць забароненыя прэпараты.
