Мітрапаліт Павел: Каля Дароў вешчуноў ў Мінску адбылося вылячэнне
Падчас ушанавання Дароў вешчуноў ў Мінску адбылося вылячэнне "апантанага чалавека".
Пра гэта журналістам 22 студзеня распавёў Мітрапаліт Мінскі і Слуцкі Павел, Патрыяршы Экзарх усяе Беларусі, перадае БЕЛТА.
"Літаральна ўчора мне прыхаджане распавядалі, як на іх вачах здзейснілася вылячэнне чалавека, якога можна назваць апантаным. Ён падыходзіў да Дароў з жудасным жывёльным крыкам. Ён не мог сам падысці, яго трымалі пяць здаровых мужыкоў. Але пасля першых дакрананняў ён проста запаў у непрытомнасць. Яго аднеслі ўбок, а пасля другога і трэцяга дакрананняў да святыні ён сваімі нагамі ў спакойным стане духу пайшоў", — распавёў мітрапаліт.
Па словах кіраўніка Беларускай праваслаўнай царквы за апошнія дні да Дароў вешчуноў прыйшлі каля 500 тысяч чалавек.
Нагадаем, Дары вешчуноў былі дастаўленыя ў Мінск 17 студзеня, а 24 студзеня іх вывезуць у Кіеў.
Фота — pravoslavie.ru
