Муамар Кадафі знік са спісу ганаровых дактароў БДУІР
Беларускі дзяржаўны ўніверсітэт інфарматыкі і радыёэлектронікі ніяк не каментуе знікненне лівійскага дыктатара з гэтага спісу.
Раней яго імя можна было знайсці на афіцыйным сайце ВНУ разам з імёнамі такіх вядомых навукоўцаў як Жарэс Алфёраў ці Волькер Ронге.
Дыплом ганаровага доктара БДУІР Муамар Кадафі раней атрымаў за значны ўнёсак у развіццё адукацыі і навукі, а таксама за ўмацаванне супрацоўніцтва паміж вышэйшымі навучальнымі ўстановамі Рэспублікі Беларусі і Вялікай Сацыялістычнай Народнай Лівійскай Арабскай Джамахірыяй, згадвае Хартыя-97.
