МЗС Францыі заклікае вызваліць усіх затрыманых

Пра гэта гаворыцца ў заяве прэс-сакратара міністэрства Бернара Валеро.  20 снежня на прэс-канферэнцыі ў Парыжы Валеро асудзіў арышты кандыдатаў ад апазіцыі, журналістаў і сябраў няўрадавых арганізацыяў. Ён заклікаў беларускія ўлады вызваліць усіх затрыманых у часе акцыі пратэсту.

Прэс-сакратар адзначыў, што Беларусь павінна прытрымлівацца еўрапейскіх дэмакратычных стандартаў, “чаго зараз не назіраецца, мяркуючы па абыходжанні з апазіцыяй у часе выбарчай кампаніі і па затрыманнях”.

Валеро не стаў удакладняць, накіроўвала Францыя віншаванні Лукашэнку ці не, перадае РИА «Новости».