МЗС Ізраіля адрэагаваў на скандальную заяву амбасадара ў Мінску
Іосіф Шагал заявіў у інтэрв'ю тэлеканалу RTVI, што ў Беларусі няма палітвязняў, а ёсць крымінальна асуджаныя людзі.
У апазіцыйных колах Беларусі былі абураныя гэтым выказваннем, пачуліся нават прапановы да байкоту амбасадара. 14 лютага з Шагалам сустрэліся некаторыя лідары беларускай апазіцыі. Амбасадар пераконваў, што СМІ няправільна перадалі яго словы. АГП у сустрэчы не ўдзельнічала, паколькі лічыць, што Іосіф Шагал мусіць прынесці прабачэнні.
Увечары 14 лютага прэс-служба МЗС Ізраіля распаўсюдзіла заяву, у якой адзначаецца: "Словы амбасадара ў Мінску ні ў якой меры не адлюстроўваюць пазіцыю дзяржавы Ізраіль". МЗС Ізраіля выказвае шкадаванне з-за інцыдэнта.
Ізраільскі палітолаг: Ад слоў Шагала наш МЗС ужо не раз хапаўся за галаву
Фота — bymedia.net
