На мяжы з Літвой вярнуліся чэргі з легкавых аўто
Прапускны пункт "Беняконі" на мяжы з Літвой / t.me/granica_bypl
Чэргі легкавікоў на выезд з Беларусі ўтварыліся цяпер не толькі на польскай, але і на літоўскай мяжы.
Па стане на 12:00 8 лістапада на пераходзе "Каменны Лог" стаіць чарга з 60 легкавікоў, у "Беняконях" — з 30. Чэргаў з аўтобусаў няма ні ў адным з гэтых пунктаў.
На польскай мяжы на пераходзе "Брэст", паводле інфармацыі Памежнага камітэта, у чарзе стаяць 955 легкавікоў і 30 аўтобусаў.
На мяжы з Латвіяй чэргаў няма.
Дарэчы, на пачатку лістапада чэргі з легкавікоў утвараліся на ўезд з Польшчы ў Беларусь. Але ў сувязі з доўгімі выходнымі сітуацыя памянялася.
