На поўначы Беларусі ў суботу абвешчаны аранжавы ўзровень небяспекі

У бліжэйшыя суткі, 8 кастрычніка, у Беларусі чакаецца хмарнае з праясненнямі надвор’е. На большай частцы тэрыторыі краіны пройдуць дажджы, уначы па поўначы — моцныя дажджы, у сувязі з чым у гэтым рэгіёне сіноптыкі абвяшчаюць аранжавы ўзровень небяспекі.

Уначы і раніцай у асобных раёнах магчымы туман. Вецер прагназуецца пераменных напрамкаў, 4-9 метраў за секунду.

Тэмпература паветра ўначы складзе 2-8 градусаў вышэй за нуль, удзень — плюс 7-13 градусаў, перадае БЕЛТА са спасылкай на Рэспубліканскі цэнтр па гідраметэаралогіі, кантролю радыеактыўнага забруджання і маніторынгу навакольнага асяроддзя Мінпрыроды.