На станцыі ў Ваўкавыску працякала цыстэрна з прапан-бутанам (фота)
Пацярпелых няма, не было і затрымкі ў руху цягнікоў.
Каля 14-й гадзіны 5 лістапада адбылося здарэнне на чыгуначнай станцыі "Ваўкавыск-Цэнтральны". Там працякала цыстэрна вагой 38 тон з прапан-бутанам. Уцечку газу выявіў абходчык. Памер расколіны складаў 2 мм.
На месца прыехалі выратавальнікі. Аддзяленнем хімічнай і радыяцыйнай абароны МНС была праведзена накладка бандажа. Неўзабаве прыбыў манеўровы лакаматыў і аварыйную цыстэрну пераправілі ў бяспечнае месца. Пазней для перакачкі газу яе, у суправаджэнні работнікаў пажарнага цягніка, перавезлі на станцыю Ласосна.
Затрымкі ў руху цягнікоў не было. Пацярпелых падчас здарэння на станцыі няма, інфармуе прэс-служба МНС.
Фота — МНС
