Надвор'е на нядзелю 11 верасня: моцныя дажджы і вецер
Восень у Мінску / Еўрарадыё
У нядзелю 11 верасня па тэрыторыі Беларусі пройдуць моцныя дажджы, у сувязі з чым сіноптыкі аб'явілі аранжавы ўзровень небяспекі, паведамляе Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна, ноччу і раніцай амаль па ўсёй краіне пройдуць дажджы, днём — месцамі моцныя. Вецер будзе мяняцца: ад умеранага да моцнага парывістага пры залевах.
Уначы тэмпература паветра складзе ад 5 да 11 градусаў цяпла. Удзень будзе да +14-ці, у Гомельскай вобласці — +16.
