Навукоўцы даведаліся пра таямніцу "дакучлівых" мелодый
Навукоўцы даведаліся пра таямніцу "дакучлівых" мелодый. Чаму так цяжка выкінуць з галавы некаторыя мелодыі. Даследаванне праводзілі спецыялісты з Вялікабрытаніі. Яны звярнулі ўвагу на тое, што некаторыя песні "прывязваюцца" да людзей значна мацней за іншых. Аднак навуковага тлумачэння гэтаму не было. У сярэднім каля 90% людзей пакутуюць ад дакучлівай мелодыі па меншай меры раз на тыдзень.
Як інфармуе РІА "Новости", у даследаванні, якое праводзілася на працягу трох гадоў, прынялі ўдзел тры тысячы чалавек. Высветлілася, што песня не павінна быць вельмі простай, але і не мусіць быць вельмі складанай. Яе рытм павінен быць хуткім і бадзёрым, пад яго можна рухацца. Таксама меладычная лінія павінна быць простай па структуры, але рытмічнай, каб яе можна было лёгка запомніць (такі меладычны малюнак можна пачуць у калыханак).
У дакучлівых мелодыях ёсць незвычайныя перыяды — свайго роду музычныя "сюрпрызы", якія прыцягваюць увагу слухача, пры гэтым агульны матыў застаецца простым і універсальным. Такія незвычайныя інтэрвалы надаюць мелодыі унікальнасць і робяць яе запамінальнай, лічаць брытанскія навукоўцы.
Прапанаваныя некалькі спосабаў пазбаўлення ад "дакучлівых" мелодый. Песню трэба даслухаць да канца і пачаць слухаць новую песню (галоўнае, каб яна таксама не захапіла слухача) ці проста паўтарыць яе ў галаве столькі разоў, колькі спатрэбіцца — пакуль мелодыя сама не "адстане".
Аўтары даследавання нават склалі спіс самых "дакучлівых" песень:
"Bad Romance" (Ледзі Гага)
"Can't Get You Out Of My Head" (Кайлі Міноўг)
"Don't Stop Believin'" (Journey)
"Somebody That I Used To Know" (Gotye)
"Moves Like Jagger" (Maroon 5)
"California Gurls" (Кэці Пэры)
"Bohemian Rhapsody" (Queen)
"Alejandro" (Ледзі Гага)
"Poker Face" (Ледзі Гага)
