Навукоўцы паставілі тоўстых пінгвінаў на бегавую дарожку

Група навукоўцаў паставіла эксперымент над каралеўскімі пінгвінамі — птушак, якія былі занадта тоўстымі, прымусілі хадзіць на бегавой дарожцы. Пра гэтае даследаванне піша рэсурс sciencenews.org

Каралеўскія пінгвіны добра плаваюць, але кепска ходзяць па сушы. Аднак кожнае лета яны вымушаныя выбірацца на зямлю для вывядзення патомства. Паколькі ім няма чаго есці на сушы, то гэтыя птушкі наядаюцца загадзя, тлусцеюць, а падчас знаходжання на беразе — галадаюць.

Біёлаг Астрыд Віленер разам з калегамі вырашыла вывучыць, як мяняецца поступ пінгвінаў у залежнасці ад вагі. Для гэтага яны злавілі дзесяць самцоў гэтых птушак на востраве Пасэсьён, што ў Індыйскім акіяне, і прымусілі каралеўскіх пінгвінаў хадзіць па бегавой дарожцы. Затым пінгвінам далі пагаладаць, каб яны схуднелі, і зноў прымусілі хадзіць. Рухі птушак вывучалі пры дапамозе спецыяльных прыладаў — акселерометраў, якія былі на іх надзетыя.

Даследаванне паказала, што тоўстыя пінгвіны менш устойліва трымаюцца на сваіх лапах, бо яны нахіляюцца наперад і змяшчаюць цэнтр цяжару. На навукоўцаў, для пінгвінаў гэта небяспечна: калі птушка не зможа стаяць і хадзіць, то драпежнікі вырашаць, што гэта велічэзны буравеснік і з’ядуць яго.

Відэа з пінгвінамі паскоранае — у рэальнасці птушкі хадзілі больш павольна.