Назарбаеў: Давайце прымем у Мытны саюз Турцыю і распусцім ЕўрАзЭС (відэа)
У чацвер у беларускай сталіцы праходзіць паседжанне Вышэйшага Еўраазійскага эканамічнага савета.
Прэзідэнт Казахстана Нурсултан Назарбаеў у сваім выступе канстатаваў наяўнасць недахопаў у працы Еўразійскай эканамічнай камісіі. Таксама ён звярнуў увагу на неабходнасць ліквідацыі дзейных абмежаванняў у Мытным саюзе.
Але самай цікавай яго прапановай стала "падключэнне" да Мытнага саюза... Турцыі. Як вядома, гэтая краіна імкнецца ўступіць у Еўрасаюз.
"Прэзідэнт Турцыі звярнуўся да мяне з просьбай уступіць у наш Мытны саюз. Давайце і прымем Турцыю", — сказаў Назарбаеў.
Таксама прэзідэнт Казахстана прапанаваў распусціць Еўразійскую эканамічную супольнасць. Аднак прэзідэнт Расіі Уладзімір Пуцін заклікаў не спяшацца з ліквідацыяй ЕўрАзЭС.
На саміце ў Мінску Лукашэнка памылкова заняў месца Пуціна
Фота — ria.ru
У Мінск прыляцелі Пуцін, Януковіч, Назарбаеў, Рахмон і Саргсян (фота)
