Пад Слуцкам у кювет з'ехаў мікрааўтобус, які перавозіў 2,5 тонны гарэлкі (фота)

Мікрааўтобус Iveco, які перавозіў каля 2,5 тоны гарэлкі, апынуўся ў кювеце ў Слуцкім раёне на 101-м км трасы Р23 (побач з паваротам на вёску Малаткова).

Падрабязнасці здарэння паведамляе kurjer.info. За рулём грузавога "бусіка" быў 24-гадовы мазырчук. Кіроўца праігнараваў дарожныя знакі, якія абмяжоўваюць хуткасць. У выніку ён не справіўся з кіраваннем і з'ехаў у правы кювет. 

Сам малады чалавек пр ДТЗ не пацярпеў. Не быў пашкоджаны і яго груз, кажуць у Слуцкай ДАІ. 

Дарэчы, даішнікі адзначаюць, што кіроўца быў цвярозы.