Памёр прыватны выдавец Віктар Хурсік
Віктар Хурсік / фота з яго акаўнту на facebook.com
Ва ўзросце 69 гадоў памёр беларускі выдавец Віктар Хурсік.
Як паведаміў яго калега Генадзь Вінярскі, дырэктар выдавецтва "Кнігазбор", напрыканцы жыцця Хурсік хварэў.
Віктар Хурсік — аўтар некалькіх кніг, у тым ліку "Кроў і попел Дражна. Гісторыя партызанскага злачынства" і "Vale!" (кнігі пра род і лёс беларускай мецэнаткі Магдалены Радзівіл). Кніга пра гісторыю вёскі Дражна неаднаразова крытыкавалася ў афіцыёзе, бо з "няправільнага" боку паказвала дзейнасць партызанаў, якія спалілі 37 хат і забілі 25 мірных жыхароў.
Як выдавец Хурсік выдаў кнігі гісторыка Яўгена Анішчанкі, перакладчыка Андрэя Каляды, паэта і празаіка Уладзіміра Някляева, пісьменніка і краязнаўцы Алеся Карлюкевіча ды інш.
Быў адным з заснавальнікаў Аб'яднанай грамадзянскай партыі.
