Пратэстоўцы ў Арменіі маюць намер працягнуць барацьбу ў новым фармаце

Дэманстранты распрацоўваюць новыя метады барацьбы супраць павышэння энэргаарыфаў. У прыватнасці, яны маюць намер прыцягнуць юрыстаў і эканамістаў.

Ініцыятыўная група грамадзянскага руху “Не рабунку!”, якая ўжо дзесяць дзён праводзіць у цэнтры Ерэвана масавыя акцыі пратэстаў супраць павышэння тарыфаў на электраэнергію, паведаміла пра распрацоўку новых метадаў барацьбы, каб прымусіць улады выканаць свае патрабаванні. Пра гэта прадстаўнікі руху паведамілі сёння, 30 чэрвеня, падчас прэс-канферэнцыі ў Ерэване.

На дадзены момант пачаліся грамадскія абмеркаванні, кансультацыі з юрыстамі і эканамістамі вакол новага, больш шырокага фармату дзеянняў. У прыватнасці, абмяркоўваецца пытанне аб тым, як можна кантраляваць аўдыт у “Электрычных сетках Арменіі”, які абяцаў прэзідэнт, і ці можа гэты аўдыт даць канкрэтныя вынікі. Пры гэтым вулічныя акцыі будуць працягнутыя, паведамляе Deutsche Welle.

Прадстаўнікі ініцыятыўнай групы на прэс-канферэнцыі адзначылі, што ні адно патрабаванне пратэстуючых да гэтага часу выканана не было. На іх думку, заяву прэзідэнта аб аўдыце ў кампаніі не адказ, а толькі першы крок на шляху да вырашэння тарыфнага канфлікту.

Фота: s2.openrussia.org