П'яны магілёвец не мог знайсці дзверы ў аўтобусе, таму выйшаў праз акно

4 студзеня ў міліцыю ў Магілёве звярнуўся прадстаўнік аўтобуснага парка. Ён паведаміў, што невядомы мужчына разбіў заднюю шыбу ў аўтобусе маршруту №44. Работнікі аўтапарка затрымалі моцна п'янага хулігана. Прычыненая шкода ацэненая ў 103 рублі 32 капейкі, адзначае uvd.mogilev.by.

Міліцыянты, якія выбылі на месца здарэння, высветлілі, што хуліганіў 26-гадовы непрацуючы магілёвец. Моцна выпіўшы, ён не мог знайсці выхад з аўтобуса. Раззлаваўшыся, малады чалавек кінуўся ў канец салона і разбіў шыбу. Праз яе магілёвец і выбраўся нарэшце на свабоду.

Цяпер на яго пачалі крымінальную справу за хуліганства, учыненае паўторна. Максімальнае пакаранне, якое пагражае вольналюбнаму магілёўцу, — шэсць гадоў пазбаўлення волі.