П'яны мужчына параніў маці хлопчыка, які не саступіў яму месца ў аўтобусе

У Гомельскім раёне 56-гадовы п'яны мужчына параніў маці 8-гадовага хлопчыка, які не саступіў яму месца ў прыгарадным аўтобусе. Ён ехаў па маршруце "Гомель — Цагельня". Як інфармуе сайт gomel.today, спачатку мужчына чапляўся да хлопчыка, а калі за яго заступілася маці, дастаў нож. Жанчына атрымала ўдар у твар.

Зламыснік скарыстаўся тым, што аўтобус спыніўся, і ўцёк. Яго затрымалі. Мужчыне пагражае да 10 гадоў пазбаўлення волі. Ён сцвярджае, што каб не гарэлка, ніколі б такога не ўчыніў.

Фота: Fotolia