28 жніўня будуць судзіць палітвязня Змітра Дашкевіча

Нагадаем, маладафронтаўцаў Змітра Дашкевіча і Эдуарда Лобава затрымалі 18 снежня 2010 года, напярэдадні прэзідэнцкіх выбараў. Іх звінавацілі ў збіцці двух мінчукоў. Дашкевічу прысудзілі два гады пазбаўлення волі ў калоніі агульнага рэжыму.

У глыбоцкай калоніі на яго пачалі новую крымінальную справу — за злоснае непадпарадкаванне патрабаванням адміністрацыі. За гэта Дашкевічу пагражае да года пазбаўлення волі. Цяпер маладафронтаўцу застаецца адбыць меней за пяць месяцаў пакарання.

Па справе Дашкевіча ідзе каля 40 сведак: міліцыянтаў і зняволеных. Аднак невядома, ці ёсць хоць адзін сведка з боку Змітра. Сам ён адмовіўся ад абароны, бо лічыць гэты працэс незаконным і штучным.

Фота — bymedia.net