Авіяцыйныя ўлады Беларусі і Расіі ўзгаднілі палёты да траўня
У Маскве сёння прайшлі закрытыя перамовы ў справе вырашэння канфліктнай сітуацыі.
Яна склалася ў панядзелак праз спрэчкі аб колькасці штодзённых рэйсаў, якія будуць выконваць беларускія і расійскія авіякампаніі. На чатыры гадзіны ўсе палёты паміж Мінскам і Масквой былі спыненыя.
У выніку, авіяцыйныя ўлады Беларусі і Расіі дамовіліся пацвердзіць авіякампаніям палёты паміж краінамі да 10 траўня 2012 года, інфармуе РІА "Новости".
Таксама было вырашана ў кароткія тэрміны дапрацаваць рэдакцыю пагаднення аб паветраных палётах і "ўзгадніць умовы далейшай эксплуатацыі прызначанымі авіяпрадпрыемствамі бакоў дамоўных ліній з захаваннем інтарэсаў пасажыраў".
Фота — bymedia.net
