Беларускія тэнісісткі ў другой Сусветнай групе Кубка федэрацыі
Жаночая зборная па тэнісе трапіла ў гэту групу, бо змагла датэрмінова перамагчы ў плэй-оф каманду Эстоніі 3:0.
17 красавіка, у другі дзень матчу, які праходзіў у мінскім Палацы спорту, Дар’я Кустава выйграла 6:3, 6:1 у Марэт Ані. Спартсменкі замянілі першыя нумары сваёй каманды, Вікторыю Азаранку і Маргіт Руутэль, паведамляе БелаПАН.
Саперніцы правядуць яшчэ два паядынкі (адзіночны і парны), але яны ўжо ня будуць мець турнірнага значэння.
