“Белтрансгаз” будзе прададзены да канца чэрвеня
Пра гэта заявіў пасол Расіі Аляксандр Сурыкаў.
Падчас прэс-канферэнцыі ў Мінску ён паведаміў, што дамова на продаж “Белтрансгазу” будзе заключаная да канца чэрвеня, перадае interfax.by. Сурыкаў не звязвае продаж "Белтрансгазу" з пераходам на ўнутрырасійскія кошты на газ для Беларусі з 2015 года.
Расійскі бок хоча набыць 50% акцый “Белтрансгазу” за 2,5 мільярды долараў. Нагадаем, чатыры гады таму “Газпрам” набыў палову акцый беларускага прадпрыемства за тую ж суму, выплачаную траншамі. Гэтым разам чакаецца аднаразовае паступленне грошай.
