ЦВК Украіны падлічыў 100% пратаколаў выбарчых камісій
Канчатковыя вынікі парламенцкіх выбараў ва Украіне павінны быць агучаныя да 12 лістапада.
У чацвер Цэнтрвыбаркам агучыў адсоткі, якія набіраюць партыі пасля падліку 100%. Партыя рэгіёнаў набірае 30% галасоў выбарцаў, "Бацькаўшчына" — 25,54%, "УДАР" Віталя Клічка — 13,96%, Кампартыя — 13,18% галасоў, "Свабода" — 10,44%.
Нагадаем, парламенцкія выбары ва Украіне прайшлі 28 кастрычніка па змяшанай сістэме: палова дэпутацкага корпуса (225 чалавек) выбіралася па партыйных спісах, а другая палова — ў мажарытарных акругах.
Фота — AFP
