Дэмакратычныя актывісты ўсклалі кветкі ў Брэсцкай крэпасці
У памятнай акцыі, прымеркаванай да Дня Перамогі, прынялі ўдзел каля 30 актывістаў.
Яны прадстаўлялі Беларускую сацыял-дэмакратычную партыю (Грамада), Беларускую партыю левых "Справядлівы свет", Аб'яднаную грамадзянскую партыю.
Як адзначае БелаПАН, пад прыспушчанымі партыйнымі сцягамі яны ўсклалі кветкі да Вечнага агню і хвілінай маўчання ўшанавалі памяць загінулых у Вялікай Айчыннай вайне. Пасля гэтага апусцілі вянок на ваду ракі Буг.
Такую акцыю брэсцкія актывісты штогод ладзяць 8 траўня — у дзень падпісання ў Берліне акту пра капітуляцыю фашыстоўскай Нямеччыны.
