Дырэктар Шклоўскай паперні абвяргае звесткі пра ператрусы ў кабінетах
Анатоль Хмялеўскі пацвердзіў, што аддзел па барацьбе з эканамічнымі злачынствамі правярае яго завод.
Разам з тым, дырэктар Шклоўскага завода газетнай паперы у каментары БелаПАН абверг інфармацыю пра агляды і ператрусы ў кабінетах кіраўніцтва заводу. Па яго словах, праверка ідзе па "малазначным факце", які не мае дачынення да агульнага функцыянавання заводу.
Праўда, Хмялеўскі кажа, што яму не паведамілі, з чым непасрэдна звязаная праверка — папрасілі толькі даць магчымасць доступу да дакументаў.
У магілёўскай міліцыі ад каментароў наконт праверкі на шклоўскім заводзе адмаўляюцца.
Фота — gazetaby.com
