The Economist распавёў, дзе лепш нарадзіцца ў 2013 годзе
Уплывовы часопіс надрукаваў рэйтынг найлепшых месцаў для нараджэння ў будучым годзе The lottery of life.
Дзе нарадзіцца, каб пражыць доўгае, здаровае, бяспечнае і паспяховае жыццё. Беларусь у гэтае даследаванне не ўвайшла. Нашыя суседкі — Расія і Украіна — у хвасце рэйтынга — 72-е і 78-е месцы з 80-ці абследаваных краінаў. Іншыя суседкі: Польшча — на 33-м месцы, Чэхія — на 28-м, Латвія — на 48-м, Літва — на 57-м.
Найлепш з'явіцца на свет у Швейцарыі і Аўстраліі, Нарвегіі, Швецыі і Даніі. Злучаныя Штаты знаходзяцца ў рэйтынгу на 16-м месцы. "The Economist" сцвярджае, што найгорш тым, хто народзіцца ў Нігерыі, Кеніі і Украіне.
Рэйтынг уключае ў сябе 11 паказчыкаў, у тым ліку стан эканомікі, прыбыткі на душу насельніцтва, геаграфічнае становішча, дэмаграфічную палітыку, сацыяльную сістэму, культуру, узровень злачыннасці, давер дзяржаўным установам, якасць медыцынскай дапамогі.
Высновы даследаванняў камбінаваліся з суб'ектыўнай задаволенасці жыццём і аб'ектыўных фактараў, якія вызначаюць якасць жыцця ў розных краінах.
Фота — ИТАР-ТАСС
