Францыя патлумачыла, чаму выдала візу "неўязному" Куляшову
У французскай амбасадзе тлумачаць, што візу выдалі па просьбе Інтэрпола. Генеральны сакратарыят Інтэрпола знаходзіцца ў Ліёне.
Як паведамляе БелаПАН са словаў дыпламатаў, Францыя выканала абавязанні дзяржавы, які прымае на сваёй тэрыторыі міжнародныя арганізацыі.
Пры гэтым дыпламаты кажуць, што выдалі не шэнгенскую візу, а нацыянальную. Яна выдадзеная на час афіцыйнай паездкі — да 20 студзеня.
Нагадаем, што міністр унутраных справаў Анатоль Куляшоў пасля разгону акцыі пратэсту 19 снежня 2010 года з'яўляецца неўязным у краіны Еўрапейскага саюзу.
