Гродзенская апазіцыя збіраецца правесці мітынг у Дзень Волі
Супольную заяву пра гэта падалі прадстаўнікі Аб’яднанай грамадзянскай партыі, Беларускага народнага фронту і Беларускай сацыял-дэмакратычнай Грамады.
Афіцыйны ліст гарадскім уладам апазіцыянеры даслалі 7 сакавіка. Яны хочуць арганізаваць мітынг у парку Жылібера.
“Гэтая заява — нават не просьба, а дэкларацыя таго, што мы будзем адзначаць 25 сакавіка пры любым раскладзе", — расказаў Еўрарадыё мясцовы лідар БНФ Вадзім Саранчукоў.
Нагадаем, 7 сакавіка міліцыя папярэдзіла старшыню гродзенскага аддзялення БСДГ Віктара Сазонава пра адказнасць за несанкцыянаванае мерапрыемства 8 сакавіка. Сазонаў падаваў заяву на інфармацыйны пікет у Румлёўскім парку. У адмове чыноўнікі заяўлялі, быццам аранізатары не могуць забяспечыць належных мер грамадскага парадку.
