"Інфронт" стаў партнёрам мінскага чэмпіяната свету па хакеі
26 студзеня ў Мінску падпісаная дамова паміж Дырэкцыяй па правядзенні чэмпіяната свету па хакеі 2014 года ў Мінску і швейцарскай кампаніяй "Інфронт".
Пра гэта Еўрарадыё паведамілі ў Федэрацыі хакея Беларусі.
"Падпісанне дамовы адбылося. Зараз [11:30. — Заўв. ЕРБ] супрацоўнікі ФХБ праваджаюць прадстаўнікоў "Інфронт" у аэрапорт".
Швейцарская кампанія "Інфронт" з'яўляецца адным з сусветных лідараў у галіне спартовага маркетынгу. Яна была партнёрам Міжнароднай федэрацыі хакея Міжнароднай федэрацыі хакея падчас чэмпіянатаў свету 2009 і 2010 гадоў. Дагэтуль было вядома, што кампанія возьме ўдзел у арганізацыі трох наступных сусветных першынстваў па хакеі. Цяпер яна далучыцца і да падрыхтоўкі мінскага чэмпіянату.
