Іран абвяргае звесткі пра спыненне экспарту нафты ў ЕС
Як паведамляе Міністэрства нафтавай прамысловасці, пра такое рашэнне мусіць абвясціць Вярхоўная нацыянальная рада бяспекі.
Не пацвердзіла звесткі пра спыненыя пастаўкі нафты з Ірана і Еўракамісія, перадае РБК. У Брусэлі кажуць, што ў такой сітуацыі нафтавых запасаў краін — сяброў ЕС хопіць на 120 сутак.
Нагадаем, што сёння з'явіліся звесткі, што спынены экспарт нафты ў шэсць краін Еўрасаюза — Грэцыю, Італію, Іспанію, Партугалію, Нідэрланды і Францыю. Гэта нібыта стала адказам Ірана на санкцыі з боку ЕС.
